Ballina / Sport / Asnjë lojtar i Shqipërisë në 500 futbollistët më të mirë në botë, ndërsa Kosova përfaqësohet me Berishën
Loading...

Asnjë lojtar i Shqipërisë në 500 futbollistët më të mirë në botë, ndërsa Kosova përfaqësohet me Berishën

Është për t’u befasuar se asnjë lojtar i Kombëtares shqiptare nuk është përzgjedhur mes 500 futbollistëve më të mirë në botë, në renditjen e përvitshme që bëhet nga revista e njohur angleze World Soccer. Por, për t’u ngushëlluar aty është një shqiptar – nga Kosova.

Bëhet fjalë për mesfushorin Valon Berisha, i cili është futur në këtë listë falë paraqitjeve të tija pozitive me Red Bull Salzburgun dhe me përfaqësuesen e Kosovës.

E çuditshme për t’u shpjeguar mungesa e Elseid Hysajt, i cili nga observatori i futbollit vlerësohet si i 87-ti më i shtrenjtë në Evropë, por nuk gjen vend në këtë listë, edhe pse ajo përbëhet nga 500 futbollistë, transmeton Panorama Sport.

Thuajse të gjitha shtetet përfaqësohen të paktën me një lojtar në këtë renditje të bërë nga revista prestigjioze. Në hartë shihen të gjitha këto shtete, mes të cilave janë edhe Zimbabve, Bolivia, Kepi i Gjelbër dhe shumë të tjera. Për fat të keq, nuk është zgjedhur asnjë nga Shqipëria.

Skuadra që përfaqësohet më shumë në këtë renditje është Real Madridi me 19 fubtollistë, ndërsa pas ‘galaktikëve’ është Bayern Munichu me 14 lojtarë.

Pas bavarezëve është një tjetër klub spanjoll dhe bëhet fjalë për Barcelonën që ka 13 lojtarë në këtë listë, po aq sa Chelsea dhe Juventusi.

Atletico Madridi dhe Borussia Dortmundi kanë nga 12 lojtarë në këtë listë, ndërkohë që Interi, Manchester City, Totenhem Hotspur përfaqësohen me nga 11 lojtarë.

Në rang kampionatesh, sigurisht që udhëheq La Liga me 66, ndërkohë që pas kampionatit spanjoll renditet Bundesliga me 64, Premier League me 63 dhe Seria A me 60.

Interesant është fakti që në këtë listë përfaqësohet edhe Kina me 12 lojtarë, duke lënë pas Rusinë, Turqinë dhe Zvicrën, ku aktivizohen futbollistë me emër dhe shumë të njohur në arenën ndërkombëtare.

Shikoni gjithashtu

Supertalenti nga Bishtazhini, Toni Domgjoni përkrah rininë e vendlindjes

Toni Domgjoni nga Bishtazhini (Gjakovë) është një ndër talentët më mirë në Zvicër dhe është …

Loading...