Ballina / Lajme / Kosovë / Bllokada “fitimprurëse” për deputetët
Loading...

Bllokada “fitimprurëse” për deputetët

Deputetët e Kuvendit të Kosovës të zgjedhur në zgjedhjet e 11 qershorit, do të paguhen pavarësisht faktit që ende nuk janë themeluar institucionet. U ka mjaftuar betimi solemn në Kuvend, që atyre t`u hapet rruga për të marr pagat e majme të cilat i kanë të përcaktuara me ligj.

Kështu, sipas Drejtorit të Institutit GAP, Agron Demi, Deputetët vetëm se i kanë marr afër 170 mijë euro paga, ende pa filluar punën.

“Për krahasim, buxheti vjetor për investime kapitale në Komunën e Kamenicës me 30 mijë banorë është 125 mijë euro”, ka theksuar ai pas seancës së 24 gushtit e cila rezultoi e dështuar.

Organizata jo-qeveritare “PolitiFakte”, ka iniciuar një peticion online, ku kërkon nga Ministria e Financave, që deputetët e legjislaturës së gjashtë të Kuvendit të Kosovës të mos paguhen derisa nuk po arrijnë të kryejnë punën e tyre. Kjo nismë po konsiderohet si mjaft e qëlluar duke u bazuar në zvarritjet që po i bëjnë deputetët sa i përket zgjedhjes së kryesisë së Kuvendit dhe formimit të Qeverisë së re.

Në fakt ka më shumë se 4 vite që kur deputetët e Kuvendit të Kosovës, i kanë marr pagat e tyre, vetëm pse kanë pasur titullin “deputet”.

/BotaSot/

Shikoni gjithashtu

Kush është Manuella Koni dhe pse është e nevojshme për një mandat në Kuvendin e Kosovës…?

Bëhet fjalë për kandidaten për deputeten nga radhët e PEK-ut, Manuella Koni, e cila beson …