Ballina / Lajme / Kosovë / Hahn me Mustafën: Urgjente formimi i qeverisë pro evropiane
Loading...

Hahn me Mustafën: Urgjente formimi i qeverisë pro evropiane

 

Në takimin e kryeministrave të shteteve të Ballkanit Perëndimor, Komisioneri për Zgjerim, Johannes Hahn ka biseduar me kryeministrin në detyrë të Kosovës, Isa Mustafa, rreth formimit të qeverisë së re.

 “Është urgjente formimi i qeverisë së re pro evropiane, stabile dhe reformatore në Kosovë”, ka shkruar Hahn përcjell Gazeta Metro.

Në samitin jo formal që po mbahet në Tiranë, tema kryesore e diskutimit është ajo e integrimit ekonomik të rajonit.

Hahn ka theksuar se ky integrim nuk është zëvendësim për anëtarësimin e këtyre vendeve në Bashkimin Europian.

Në këtë takim përveç nikoqirit Edi Rama, do të marrin pjesë  kryeministri në detyrë i Kosovës Isa Mustafa, kryeministri i Maqedonisë Zoran Zaev, i Malit të Zi Dushko Markoviq, kryeministrja e Serbisë Ana Brnabiq, kryetari i Këshillit të ministrave të Bosnje dhe Hercegovinës Denis Zvizdiq, si dhe komisioneri për Zgjerim i BE-së Johannes Hahn dhe Cyril Muller, zëvendëspresidenti i Bankës Botërore për Evropën dhe Azinë Qendrore.

/Telegrafi/

Loading...

Shikoni gjithashtu

Kush është Manuella Koni dhe pse është e nevojshme për një mandat në Kuvendin e Kosovës…?

Bëhet fjalë për kandidaten për deputeten nga radhët e PEK-ut, Manuella Koni, e cila beson …

Loading...