Ballina / Lajme / Kosovë / Ivica Daçiq e lavdëron Sllobodan Millosheviqin
Loading...

Ivica Daçiq e lavdëron Sllobodan Millosheviqin

Gabimi më i madh i ish- kryetarit të RFJ-së, Sllobodan Millosheviq, ka qenë se ai ka lejuar që disa vrasje të ndërlidhen me të ose me pushtetin e atëhershëm, ka deklaruar lideri i SPS-së Ivica Daçiq, zëvendëskryeministër e ministër i Punëve të Jashtme i Serbisë, transmeton Koha.net.

“Sipas meje, njëri nga gabimet më të mëdha të tij është në politikën e kuadrove, jo vetëm në parti e shtet, por pse ka lejuar që vrasje të ndryshme të kenë lidhje me të ose me pushtetin e atëhershëm”, ka thënë Daçiq për “Srpski telegraf”.

Veç kësaj, Daçiq pohon se me Millosheviqin është grindur kur ai ka qenë më i fortë dhe kur kishte dashur ta përjashtonte nga partia. Përkundër konflikteve, përcjell Koha.net, Daçiq është i bindur se Millosheviqi ka qenë lider i madh e jo kriminel.

“Historia do ta japë gjykimin e fundit për të, ne jemi të vegjël dhe pak kohë ka kaluar. Millosheviqi i ka bërë dy gjëra të mëdha për popullin serb: Marrëveshjen e Dejtonit dhe Rezolutën 1244, ato me të cilat ende qëndrojmë”, ka thënë Daçiq.

/KOHAnet/

Loading...

Shikoni gjithashtu

NISMA SOCIALDEMOKRATE ARTIKULUESE E VËRTETË E KËRKESAVE TË QYTETARËVE TË KOSOVËS, PËR SHTETIN QË DUAM

Jemi në një moment jashtëzakonisht të rëndësishëm për Kosovën dhe fatet e saj të së …

Loading...