Ballina / Lajme / Bota / Koreja e Veriut: Po na provokojnë

Koreja e Veriut: Po na provokojnë

Në kohën kur Shtetet e Bashkuara përgatiten të nisin stërvitjet e përbashkëta ushtarake me Korenë e Jugut, Peniani iu rikthehet kërcënimeve me paralajmërimin e një sulmi të pamërshirshëm që mund të shënjestrojë në çdo kohë Guamin, Hauain, apo edhe vet Amerikën kontinentale.

Manovrat ushtarake të Uashingtonit e Seulit konsiderohen nga vendi i izoluar komunist si një veprim i rrëmbyer, “që e çon situatën drejt një faze të pakontrollueshme të luftës bërthamore”.

Tensionet mes Shteteve të Bashkuara dhe Koresë së Veriut janë përshkallëzuar ndjeshëm javët e fundit, aq sa detyruan edhe Kinën të ndërhynte duke iu kërkuar palëve të frenohen.

Nuk ka shumë që Pheniani njoftoi finalizimin e planit për të lëshuar 4 raketa mbi territorin amerikan të Guamit, e përpara se ta bëjë atë realitet, Kim Jong-un do të pres e të shohë se cila do të jetë lëvizja e Shteteve të Bashkuara.

“Ushtria e Koresë së Veriut është në gjendje gatishmërie të lartë dhe do të hidhet në veprim me të pikasur edhe shenjën më të vogël të luftës parandaluese”, thuhet në deklaratën e përcjellë nga media shtetërore.

Se çfarë nënkupton shprehja “luftë parandaluese”, për këtë nuk u dha asnjë sqarim. Javën e kaluar, shefi i Shtabit të ushtrisë amerikane, gjenerali Joseph Dunford e bëri të qartë gjatë vizitës së tij në Pekin se stërvitja e përbashkët me Korenë e Jugut nuk është subjekt negocimi.

/Express/

Loading...

Shikoni gjithashtu

Zv.ministrja e financave Elezi nesër hap konferencën me temë ‘Përmirësimi i sistemit për kontrollë të brendëshëm’

Shkup, 12 qershor – Nesër e enjte (13 qershor 2019), me fillim në ora 10:00 zëvendës …