Ballina / Lajme / Kosovë / Sejdiu: PDK dyshohet se ka dorë në sulmin ndaj zonjes Stavileci
Loading...

Sejdiu: PDK dyshohet se ka dorë në sulmin ndaj zonjes Stavileci

Dardan Sejdiu, nënkryetar i LVV, ka kërkuar që sa më parë të zbardhet akti qyqar ndaj gruas së Blerand Stavilecit. Nga ana tjeter reagon edhe kundër PDK-s që pa asnjë fakt akuzon VETËVENDOSJEN, ndërsa nuk e humb mundësinë edhe për dyshim se këtu ka dorë PDK-ja, ka shkruar në Facebook.

Postimi i plotë:

Sulmi ndaj gruas së Blerand Stavilecit është akt qyqar e i papranueshëm. Aktet e tilla kriminale janë të dënueshme, prandaj organet e rendit dhe drejtësisë duhet urgjentisht të hetojnë këtë rast dhe të nxjerrin ata që qëndrojnë prapa tij.

Në anën tjetër, janë për keqardhje deklaratat e zyrtarëve të lartë të PDK’së që pa asnjë fakt akuzojnë VETËVENDOSJE!-n në lidhje me këtë rast, duke ndërhyrë në punën e organeve kompetente, që do të duhej sa më parë ta zbardhnin këtë akt kriminal. Ngutia e PDK’së për të akuzuar aktivistët e VV’së nuk përbën vetëm papjekuri të skajshme politike, por edhe lë hapësirë për dyshime rreth inskenimeve të mundshme qëllimkëqija, çka me siguri se nuk do të përbënte risi.

Ne ftojmë Policinë dhe Prokurorinë që sa më parë të gjejnë fajtorët dhe t’i vënë para përgjegjësisë, kurse ftojmë PDK-në që t’i japë fund akuzave të pabaza dhe tendencave për të nxitur konflikt në shoqërinë tonë.

/MegaPress/

Loading...

Shikoni gjithashtu

Zv.ministrja e financave Elezi nesër hap konferencën me temë ‘Përmirësimi i sistemit për kontrollë të brendëshëm’

Shkup, 12 qershor – Nesër e enjte (13 qershor 2019), me fillim në ora 10:00 zëvendës …

Loading...